The Project Gutenberg eBook, El la Biblio, by Ludwik Lejzer Zamenhof
This eBook is for the use of anyone anywhere at no cost and with
almost no restrictions whatsoever. You may copy it, give it away or
re-use it under the terms of the Project Gutenberg License included
with this eBook or online at www.gutenberg.net
Title: El la Biblio
Author: Ludwik Lejzer Zamenhof
Release Date: February 26, 2004 [eBook #11307]
[File last updated on December 20, 2007]
Language: Esperanto
Character set encoding: ASCII
***START OF THE PROJECT GUTENBERG EBOOK EL LA BIBLIO***
Produced by Distributed Proofreaders Europe, http://dp.rastko.net
Project by David Starner, Carlo Traverso and Tapio Riikonen
El la Biblio
Elektitaj cxapitroj de la
Psalmaro, Sentencoj de Salomono
kaj Predikanto
el la originalo tradukitaj de
Dro L.L. Zamenhof
3a eldono
(7a-12a miloj)
1924
La Psalmaro
PSALMO I.
1. Felicxa estas la homo, kiu ne iras laux
konsilo de malpiuloj, nek staras sur vojo de pekuloj, nek
sidas en kunsido de blasfemantoj,
2. sed li nur havas deziron por la legxo de Dio, kaj
pri Lia legxo li pensas tage kaj nokte.
3. Kaj li estos kiel arbo, plantita apud akvaj torentoj,
donanta sian frukton en sia tempo, kaj kies folio ne velkas;
kaj en cxio, kion li faras, li sukcesos.
4. Ne tiel estas la malpiuloj, sed ili estas kiel
grenventumajxo, kiun disblovas la vento.
5. Tial ne staros fortike la malpiuloj cxe la
jugxo kaj la pekuloj en societo de piuloj:
6. cxar Dio konas la vojon de piuloj, kaj la vojo de
malpiuloj pereos.
PSALMO III.
1. Psalmo de Davido, kiam li forkuris de sia filo Absalono.
2. Dio, kiel multaj estas miaj premantoj, multaj
levigxis kontraux mi!
3. Multaj diras pri mia animo: ne ekzistas por gxi
savo de Dio.--Sela [Hebrea muzika termino].
4. Sed Vi, Dio, estas sxildo por mi, mia honoro kaj
levanto de mia kapo.
5. Per mia vocxo mi vokas al Dio, kaj Li respondas al
mi de Sia sankta monto.--Sela.
6. Mi kusxigxas kaj endormigxas, kaj mi
vekigxas, cxar Dio min subtenas.
7. Mi ne timas multajn milojn da homoj, kiuj estas
cxirkaux mi.
8. Levigxu, Dio, helpu min, mia Sinjoro, cxar Vi
frapis al cxiuj miaj malamikoj la vangojn, la dentojn
de la malpiuloj Vi frakasis.
9. Cxe Dio estas la helpo; super Via popolo estas Via
beno.--Sela.
PSALMO XIX.
1. Al la hxorestro. Psalmo de Davido.
2. La cxieloj rakontas la gloron de Dio, kaj la farojn
de Liaj manoj raportas la cxiela firmajxo.
3. Tago al tago transdonas diron, kaj nokto al nokto faras
sciigon.
4. Sen parolo kaj sen vortoj; oni ne auxdas ilian
vocxon.
5. Tra la tuta mondo iras ilia ordono, kaj gxis la
fino de la universo iras iliaj vortoj; por la suno Li
arangxis tendon inter ili.
6. Kaj gxi eliras kiel fiancxo el sia baldakeno,
gxojas kiel heroo, trakuranta sian vojon.
7. Sur unu rando de la cxielo estas gxia
levigxo, kaj gxia rondiro estas gxis aliaj
randoj, kaj nenio kasxigxas antaux
gxia varmego.
8. La instruo de Dio estas perfekta, gxojigas la
animon; la atesto de Dio estas certa, gxi
sagxigas sensagxulon.
9. La ordonoj de Dio estas justaj, gxojigas la koron;
la ordondiro de Dio estas klara, faras lumon antaux la
okuloj.
10. La instruo de Dio estas pura, restas eterne; la
jugxoj de Dio estas veraj, kaj cxiuj estas
justaj.
11. Ili estas pli dezirindaj, ol oro kaj ol multe da plej
pura oro; ili estas pli dolcxaj, ol mielo kaj
cxelaraj mielgutoj.
12. Ankaux Via sklavo instruigxis per ili; kiu
ilin observas, havas grandan rekompencon.
13. Kiu scias siajn erarojn? Purigi min de eraroj
kasxitaj.
14. Ankaux de intencaj eraroj detenu Vian sklavon, ke
ili ne regu super mi. Tiam mi estos perfekta kaj pura de
granda peko.
15. Akceptu favore la vortojn el mia busxo kaj la
parolon de mia koro antaux Vi, ho Dio, mia protektanto
kaj mia savanto.
PSALMO XXIII
1. Psalmo de Davido. Dio estas mia pasxtisto, mi
mankon ne havos.
2. Sur verdaj herbejoj Li ripozigas min, apud trankvilaj
akvoj Li kondukas min.
3. Li kvietigas mian animon, Li kondukas min laux vojo
de la vero, pro Sia nomo.
4. Ecx kiam mi iros tra valo de mallumo, mi ne timos
malbonon, cxar Vi estas kun mi; Via bastono kaj
apogigxilo trankviligos min.
5. Vi kovras por mi tablon antaux miaj malamikoj; Vi
grasigis per oleo mian kapon, mia pokalo estas plenigita.
6. Nur bono kaj favoro sekvos min en la dauxro de mia
tuxta vivo, kaj mi restos en la domo de Dio multajn
jarojn.
PSALMO XXIV.
1. Psalmo de Davido. Al Dio apartenas la tero kaj
cxio, kio gxin plenigas, la mondo kaj
cxiuj gxiaj logxantoj.
2. Cxar Li apud la maroj gxin fondis kaj apud la
riveroj gxin fortikigis.
3. Kiu levigxos sur la monton de Dio, kaj kiu staros
sur Lia sankta loko?
4. Tiu, kiu havas purajn manojn kaj senmakulan koron, kiu ne
fordonis sian animon al malvero kaj ne jxuras trompe.
5. Li ricevos benon de Dio kaj bonfarojn de la Plejalta, lia
savanto.
6. Tio estas la gento de Liaj adorantoj, de la
sercxantoj de Via vizagxo, Dio de Jakobo.--Sela.
7. Levu, pordegoj*, viajn kapojn, kaj levigxu, pordoj
de la mondo, por ke eniru la regxo de gloro.
8. Kiu estas tiu regxo de gloro? Dio la forta kaj
potenca, Dio la potenculo de milito.
9. Levu, pordegoj viajn kapojn, kaj levigxu, pordoj de
la mondo, por ke eniru la regxo de gloro.
10. Kiu estas tiu regxo de gloro? Dio Cebaot, Li estas
la regxo de gloro.--Sela.
PSALMO XXVII.
1. De Davido. Dio estas mia lumo kaj mia savo; kiun mi devas
timi? Dio estas la forto de mia vivo; kiu povas min teruri?
2. Kiam alproksimigxos al mi malbonfarantoj, por
mangxi mian karnon, miaj kontrauxuloj kaj
malamikoj,--ili surpusxigxos kaj falos.
3. Se elpasxos kontraux min armeo, mia koro ne
ektimos; se levigxos kontraux min milito,
ankaux tiam mi havos fidon.
4. Nur unu aferon mi petas de Dio, nur tion mi deziras, ke
mi restu en la domo de Dio en la dauxro de mia tuta
vivo, por rigardi la cxarmon de Dio, admiri Lian
templon.
5. Cxar Li kovros min en Sia kabano en la tago de
malbono, Li kasxos min en kasxita loko de Sia
tendo, sur rokon Li levos min.
6. Kaj nun levigxos mia kapo super miajn malamikojn,
kiuj min cxirkauxas, kaj mi oferfaros en Lia
tendo oferojn de danko, mi kantos kaj gloros Dion.
7. Auxskultu, ho Dio, mian vocxon, kiam mi
vokas, korfavoru min kaj respondu al mi.
8. De Vi diras al mi mia koro: sercxu mian
vizagxon; Vian vizagxon, ho Dio, mi
sercxas.
9. Ne kasxu Vian vizagxon antaux mi, ne
forpusxu en kolero Vian sklavon; Vi estis mia helpo,
ne forpusxu kaj ne forlasu min, Dio, mia savo.
10. Cxar mia patro kaj mia patrino min forlasis, sed
Dio min akceptis.
11. Instruu al mi, Dio, Vian vojon kaj konduku min sur
gxusta irejo, spite miajn malamikojn.
12. Ne fordonu min al la volo de miaj premantoj, cxar
starigxis kontraux mi falsaj atestantoj, plenaj
de rabemeco,
13. ke mi ne esperu vidi la bonecon de Dio en la lando de
vivantoj.
14. Esperu al Dio, tenu vin forte, forta estu via koro, kaj
esperu al Dio.
PSALMO XXXII.
1. Instruo de Davido. Felicxa estas tiu, kies krimo
estas pardonita, kies peko estas kovrita.
2. Felicxa estas la homo, al kiu Dio ne kalkulas lian
kulpon kaj en kies spirito estas nenia malvero.
3. Kiam mi silentis, senfortigxis miaj ostoj de mia
cxiutaga ploregado.
4. Cxar tage kaj nokte pezis sur mi Via mano; la
fresxecon de miaj sukoj anstatauxis sekeco de
somero.--Sela.
5. Mian pekon mi konfesis al Vi, kaj mian kulpon mi ne
kasxis; mi diris: mi konfesos miajn krimojn al Dio;
kaj Vi deprenis la kulpon de mia peko.--Sela.
6. Pro tio pregxu antaux Vi cxiu piulo en
la gxusta tempo, por ke cxe la
disversxigxo de grandaj akvoj ili lin ne atingu.
7. Vi estas mia sxirmo; kontraux sufero Vi min
gardos, per gxojoj de savo Vi min
cxirkauxos.--Sela.
8. Mi prudentigos vin kaj montros al vi la vojon, kiun vi
devas iri; kun konsiloj mi direktos sur vin mian okulon.
9. Ne estu kiel cxevalo, kiel senprudenta mulo, al
kiuj oni devas kateni la bufon per brido kaj busxpeco,
kiam ili ne iras al vi.
10. Multajn frapojn havas la malpiulo, sed kiu
fidas Dion, tiun cxirkauxas favoro.
11. Gxoju pro Dio, kaj gaju, justuloj, kaj triumfu
cxiuj, kiuj havas pian koron!
PSALMO XXXIV.
1. De Davido, kiam li sxajnigis sin freneza
antaux Abimelehx, kaj tiu lin forpelis kaj li
foriris.
2. Mi gloros Dion en cxiu tempo, cxiam
lauxdo por Li estos en mia busxo.
3. Per Dio glorigxas mia animo; la humiluloj
auxdu kaj gxoju.
4. Gloru Dion kun mi, kaj ni altigu kune Lian nomon.
5. Mi sercxis Dion, kaj Li respondis al mi, kaj de
cxiuj miaj dangxeroj Li savis min.
6. Kiuj rigardas al Li ricevas lumon, kaj ilia vizagxo
ne kovrigxos per honto.
7. Jen tiu cxi mizerulo vokis, kaj Dio auxdis,
kaj de cxiuj liaj mizeroj Li savis lin.
8. Angxelo de Dio postenas cxirkaux tiuj,
kiuj Lin timas, kaj li ilin savas.
9. Provu kaj vidu, kiel bona estas Dio; felicxa estas
la homo, kiu Lin fidas.
10. Timu Dion, Liaj sanktuloj, cxar nenio mankas al
tiuj, kiuj Lin timas.
11. Leonoj estas senhavaj kaj malsataj, sed kiuj
sercxas Dion, havas mankon en nenia bono.
12. Venu, infanoj, auxskultu min, pri timo
antaux Dio mi vin instruos.
13. Kiu ajn vi estas, homo, kiu deziras vivon kaj amas
multajn kaj bonajn tagojn,
14. gardu vian langon kontraux malbono kaj vian
busxon kontraux mensoga parolo;
15. deklinigxu de malbono kaj faru bonon, sercxu
pacon kaj cxasu gxin.
16. La okuloj de Dio estas turnitaj al la piuloj, kaj Liaj
oreloj al iliaj krioj.
17. La vizagxo de Dio estas kontraux tiuj, kiuj
faras malbonon, por ekstermi de la tero la memoron pri ili.
18. Tiuj krias, kaj Dio auxdas kaj de cxiuj
iliaj mizeroj Li ilin savas.
19. Proksima estas Dio al tiuj, kies koro estas rompita, kaj
la spirite suferantajn Li helpas.
20. Multaj estas la suferoj de piulo, sed de cxiuj Dio
lin savas.
21. Li gardas cxiujn liajn ostojn, ecx unu el
ili ne rompigxos.
22. La malbonulon mortigos la malbono, kaj la malamantoj de
piulo pereos.
23. Dio liberigas la animon de Siaj sklavoj, kaj ne pereos
cxiuj, kiuj Lin fidas.
PSALMO XXXVII.
1. De Davido. Ne incitigxu pro la malvirtuloj, ne
enviu tiujn, kiuj agas maljuste.
2. Cxar simile al herbo ili rapide dehakigxas,
kaj kiel verda vegetajxo ili forvelkas.
3. Fidu Dion kaj faru bonon; logxu sur la tero kaj
konservu honestecon.
4. Sercxu plezuron cxe Dio, kaj Li plenumos la
dezirojn de via koro.
...
PolaEsperanto-Asocio